1Th 1 | Ndebele | STEP | UPawuli loSilivanu loTimothi , kubandla labeThesalonika kuNkulunkulu uBaba, leNkosi uJesu Kristu: Umusa kawube kini lokuthula okuvela kuNkulunkulu uBaba wethu, leNkosi uJesu Kristu .

1 Thessalonians 1

UPawuli uyababingelela. Uyabonga ngokholo lwabo

1 UPawuli ^a loSilivanu ^b loTimothi ^c, kubandla labeThesalonika ^d kuNkulunkulu uBaba, leNkosi uJesu Kristu: Umusa kawube kini lokuthula okuvela kuNkulunkulu uBaba wethu, leNkosi uJesu Kristu ^e.

2 Sibonga ^f uNkulunkulu ngezikhathi zonke ngani lonke, siliphatha emikhulekweni yethu ^g, 3 sikhumbula ngokungaphezi ^h isenzo senu ⁱ sokholo ^j, lomsebenzi onzima ^k wothando ^l, lokuqina kwethemba ^m eNkosini yethu uJesu Kristu, phambi kukaNkulunkulu loBaba wethu ⁿ; 4 sisazi, bazalwane abathandiweyo ^o nguNkulunkulu, ukukhethwa kwenu ^p; 5 ngoba ivangeli lethu kalifikanga kini ngelizwi ^q kuphela, kodwa langamandla ^r, langoMoya oNgcwele ^{s
,} ^t, langokuqiniswa okukhulu ^u, njengoba lisazi ^v ukuthi sasinjani phakathi kwenu ngenxa yenu. 6 Lani laba ngabalingisi ^w bethu labeNkosi, selilemukele ilizwi ekuhluphekeni okukhulu ^x lilentokozo ^{y
,} ^z kaMoya oNgcwele ^aa, 7 laze laba yizibonelo ^ab kubo bonke abakholwayo eMakedoniya ^ac leAkaya ^ad. 8 Ngoba kini kwezwakala ^ae ilizwi leNkosi, kungeyisikho eMakedoniya ^af leAkaya ^ag kuphela, kodwa ukholo lwenu kuNkulunkulu lwaphumela lakuyo yonke indawo ^ah, okokuthi kwakungasadingeki ukuthi sikhulume ulutho. 9 Ngoba bona uqobo lwabo balandisa ngathi ukuthi saba lokungena ^ai okunjani kini, lokuthi laphendukela ^aj njani kuNkulunkulu livela ezithombeni ^ak, ukuthi likhonze uNkulunkulu ophilayo ^al loweqiniso ^am, 10 lilindele ^an iNdodana yakhe ^ao ivela emazulwini ^ap, ayivusa kwabafileyo ^aq, uJesu osihlangula ^ar elakeni oluzayo ^as.